નૈવેદ આપું, પૂજા કરું, ધ્યાન તારું કરું, આખર શું કરું?
પ્રભુ તારું નામ લઉં, તારા જપ કરું, કઈ રીતે તને પુકારું?
ગ્રંથો વાંચું, વાદ-વિવાદ કરું, આખર કઈ રીતે આગળ વધું?
સમસ્યા મારી એ છે કે પ્રભુ આખર સાધના કઈ રીતે કરું?
યોગ કરું, વિચાર કરું, સંતુષ્ટ રહું, કઈ રીતે જીવું?
દાન કરું, લોકોની સહાય કરું, આખર કઈ રીતે બોલું?
આ બધું તો હું મારા માટે કરું, આખર તારા માટે શું કરું?
પ્રેમ તને કરું, સુખ તારું જોવું, એ કઈ રીતે કરું?
વ્યવહાર તારો કરું, કલ્પના મારી છોડું, એ કઈ રીતે કરું?
આ મનોકામના આગળ વધવાની અને જિજ્ઞાસા પ્રેમ કરવાની,
એને કઈ રીતે સાચી સમજું ?
- ડો. હીરા
naivēda āpuṁ, pūjā karuṁ, dhyāna tāruṁ karuṁ, ākhara śuṁ karuṁ?
prabhu tāruṁ nāma lauṁ, tārā japa karuṁ, kaī rītē tanē pukāruṁ?
graṁthō vāṁcuṁ, vāda-vivāda karuṁ, ākhara kaī rītē āgala vadhuṁ?
samasyā mārī ē chē kē prabhu ākhara sādhanā kaī rītē karuṁ?
yōga karuṁ, vicāra karuṁ, saṁtuṣṭa rahuṁ, kaī rītē jīvuṁ?
dāna karuṁ, lōkōnī sahāya karuṁ, ākhara kaī rītē bōluṁ?
ā badhuṁ tō huṁ mārā māṭē karuṁ, ākhara tārā māṭē śuṁ karuṁ?
prēma tanē karuṁ, sukha tāruṁ jōvuṁ, ē kaī rītē karuṁ?
vyavahāra tārō karuṁ, kalpanā mārī chōḍuṁ, ē kaī rītē karuṁ?
ā manōkāmanā āgala vadhavānī anē jijñāsā prēma karavānī,
ēnē kaī rītē sācī samajuṁ ?
|
|