Bhajan No. 5560 | Date: 05-Oct-20182018-10-052018-10-05મૃત્યુ પછીનું જીવન કેવું હશે?Dr. Hira/bhajan/?title=nrityu-pachhinum-jivana-kevum-hasheમૃત્યુ પછીનું જીવન કેવું હશે?

શરીર વગરનું પ્રાણ કેવું હશે?

ખુશી હશે કે પછી દુઃખ હશે?

લાલસા હશે કે પછી બધું ખતમ થયું હશે?

જીવનના આ પ્રશ્નો હર કોઈને સતાવે છે;

ઉત્તર એના મળતા નથી, જવાબ એના મળતા નથી;

પરદાની પાછળ છુપાયેલા આ રહસ્યના ભેદ ખૂલતા નથી.

જીવનના કારાગારમાં સૌં માનવી અટવાયેલા છે;

કે જીવન શા માટે છે એ જ સમજાતું નથી.

પહેલા જીવન શા માટે છે એ જ્યારે સમજાશે;

ત્યારે ભેદ ખૂલશે, પ્રાણ-આત્માં સમજાશે;

અને પછી આ દુવિધા પૂરી થશે;

અને જીવનના ભેદ બધા ખતમ થશે.

પ્રશ્નના ઉત્તર આ જીવનના રહસ્યમાં છે;

પ્રભુ મિલનનો રાઝ આ જ જીવનમાં છે.

મૃત્યુ પછીનું જીવન કેવું હશે?