Bhajan No. 5433 | Date: 30-Jul-20172017-07-302017-07-30જ્યાં ઇંતેઝારની પળો વીતતી નથી, ત્યાં મરણ પણ તો આવતું નથી;Dr. Hira/bhajan/?title=jyam-intejarani-palo-vitati-nathi-tyam-marana-pana-to-avatum-nathiજ્યાં ઇંતેઝારની પળો વીતતી નથી, ત્યાં મરણ પણ તો આવતું નથી;

જ્યાં ફેરા જન્મમરણના ખૂટતા નથી, ત્યાં પ્રભુ દર્શન પણ થાતા નથી.

જ્યાં વ્યવહારમાં બદલાવ આવતા નથી, ત્યાં દિલમાં ચેન પણ મળતું નથી;

જ્યાં દિદાર પ્રેમનો થાતો નથી, ત્યાં સાચો પ્રેમ પણ તો સમજાતો નથી.

જ્યાં ઐશ્વર્યથી મન ભરાતું નથી, ત્યાં ઇચ્છા પણ કાબૂમાં આવતી નથી;

જ્યાં મન ચંચળતા ભુલાતુ નથી, ત્યાં મનના ગુલામ બન્યા વગર રહેવાતું નથી.

જ્યાં નાશવંત આ શરીર ભુલાતું નથી, ત્યાં મોક્ષની પ્રાપ્તિ થાતી નથી;

જ્યાં ધૈર્ય જીવનમાં રખાતું નથી, ત્યાં બલિદાન બીજાનું સમજાતું નથી.

જ્યાં શોધ પોતાની થાતી નથી, ત્યાં દંભ કર્યા વગર જીવાતું નથી;

જ્યાં અફસોસ જીવનમાં થાતો નથી, ત્યાં ધીરજવાન અને ગંભીર બનાતું નથી.

જ્યાં ઇંતેઝારની પળો વીતતી નથી, ત્યાં મરણ પણ તો આવતું નથી;