Bhajan No. 5623 | Date: 25-Mar-20162016-03-252016-03-25દેવાતાઓની ભાષા, મનુષ્યને સમજાતી નથી;Dr. Hira/bhajan/?title=devataoni-bhasha-manushyane-samajati-nathiદેવાતાઓની ભાષા, મનુષ્યને સમજાતી નથી;

પણ મનુષ્યતાની ભાષા તો મનુષ્ય સમજતો નથી.

મૂર્ખતાભર્યું વર્તન કરતો રહે છે, પોતાની સોચમાં આગળ વધતો રહે છે;

ઉમંગભર્યા વાતાવરણને ત્યજે છે, પોતાની ઇચ્છા પાછળ દોડે છે.

અહંકાર ભરેલી આ દુનિયામાં માનવી પોતાની સૂધબૂધ ખોવે છે;

ક્યારેક મંઝિલને ભૂલીને માયામાં ખોવાઈ જાઈ છે.

પ્રભુની કૃપા અને ગુરુના આશિષ વગર બહાર નીકળાતું નથી;

ખોટી સોચ અને ખોટા રસ્તેથી પ્રભુને પમાતું નથી.

ક્યાં સુધી રહેશે આ માનવી અંધારામાં, ક્યાં સુધી રહેશે અહંકારમાં;

પ્રભુને પામ્યા વગર ન એની કોઈ રાહ છે, પ્રભુમાં લીન થયા વગર ન એની કોઈ મંઝિલ છે.

સમજશે જ્યારે આ માનવી આ સચ્ચાઈને, ત્યારે મળશે એને અંતરથી પ્રભુની વાણી રે.

દેવાતાઓની ભાષા, મનુષ્યને સમજાતી નથી;