ગુરુકૃપા મળવી અસાન નથી, ગુરુ મળવા આસાન નથી
મોહ માયા ત્યજવા આસાન નથી, ગુરુનું માનવું આસાન નથી
પોતાની ઇચ્છાને ત્યાગવી આસાન નથી, સમ રહેવું આસાન નથી
જાતને ભુલાવવી આસાન નથી, ગુરુનો વિશ્વાસ રાખવો આસાન નથી
દ્રષ્ટિમાં ગુરુને વસાવવા આસાન નથી, સમર્પણ ગુરુને થવું આસાન નથી
મુશ્કેલીમાં ગુરુને યાદ કરવા આસાન છે, માગણી કરવી પણ આસાન છે
પણ ગુરુના માર્ગે ચાલવું આસાન નથી, ગુરુમાં સ્થિર રહેવું આસાન નથી
વિકારો પર કાબૂ કરવા આસાન નથી, ચિત્ત ગુરુમાં જોડવું આસાન નથી
મહેક ગુરુની ફેલાવવી આસાન નથી, ગુરુમાં પોતાની જાતને ભૂલવું આસાન નથી
ચરિત્રતા પર વિચાર કરવો આસાન નથી, પોતાની ઓળખાણ કરવી આસાન નથી
સમીપતા પ્રભુની મળવી આસાન નથી, પ્રભુના દર્શન થવા આસાન નથી
- ડો. હીરા