Bhajan No. 5621 | Date: 23-Mar-20162016-03-232016-03-23હાસ્યનું રુદન જે સમજી શકે છે, એ પ્રભુની અવસ્થા સમજી શકે છે;Dr. Hira/bhajan/?title=hasyanum-rudana-je-samaji-shake-chhe-e-prabhuni-avastha-samaji-shake-chheહાસ્યનું રુદન જે સમજી શકે છે, એ પ્રભુની અવસ્થા સમજી શકે છે;

વેદના અલગતાની જે સમજી શકે છે, તે પ્રભુના પોકારને સમજી શકે છે;

અસીમ કૃપાને જે સમજી શકે છે, તે પ્રભુના પ્રેમને સમજી શકે છે;

જે મોક્ષમાં આપેલાં કાર્ય સમજી શકે છે, તે પ્રભુનું દિવ્ય કાર્ય સમજી શકે છે;

જે કરુણાથી સહુને પોકારી શકે છે, તે જ પ્રભુના કાર્યને પાર પાડી શકે છે;

જે બીજાને પોતાના બનાવી શકે છે, તે જ પ્રભુની વિશાળતા સમજી શકે છે;

જે હર કાર્યમાં પ્રભુને જુએ છે, તે જ તો પોતાનું અસ્તિત્વ ભુલાવી શકે છે;

જે મુશ્કેલીને એક મોકો સુધરવાનો ગણે છે, તે જ આગળ વધી શકે છે;

જે ગૌરવમાં ઘમંડ ન કરે, તે જ તો પ્રભુમાં પોતાની જાતને ભુલાવી શકે છે.

હાસ્યનું રુદન જે સમજી શકે છે, એ પ્રભુની અવસ્થા સમજી શકે છે;