Bhajan No. 6059 | Date: 05-Feb-20222022-02-052022-02-05નવરાત્રીના નોરતાની રાતો છેDr. Hira/bhajan/?title=navaratrina-noratani-rato-chheનવરાત્રીના નોરતાની રાતો છે

વિશ્વાસની સીડ઼ી ચડ઼વાની વાતો છે

પરમ કૃપાળુ જગતજનનીની યાદો છે

એના આશિષથી જાગૃત થવાની તૈયારી છે

જ્ઞાનમાં ઉતરવાની દ્રષ્ટિ છે

મારામાં રમવાની યાત્રા છે

અંતરના ઉંડાણમાં ઉતરવાની તૈયારી છે

પરમ કૃપાળુ રાજેશ્વરીની આ મહેફિલ છે

અમરતા પ્રાપ્ત કરવાની રાતો છે

નિજભાન ભુલાવવાની પ્રક્રિયા છે

ગરબામાં પોતાની જાતને ભૂલવાની વાતો છે

નવ નવ દુર્ગાની પ્રકટ થવાની તૈયારી છે

આદર્શો સ્થાપવાની આ રાતો છે

સૃષ્ટિમાં સમતા લાવવાની કોશિષો છે

શક્તિની ભક્તિના ગીતો છે

અમૂલ્ય એકરૂપતાની આ વાતો છે

નવરાત્રીના નોરતાની રાતો છે