તારી પ્રીત એવી જાગી કે અંતર મારું ઝૂમી ગયું,
તારા સંગનો રંગ એવો લાગ્યો કે જીવન મારું ખીલી ઊઠ્યુ.
તારા નર્તનમાં એવી નાચી કે પોતાની જાતને ભૂલી ગઈ,
તારા ઈશારામાં એવી ખોવાઈ કે પોતાની ઓળખાણ ભૂલી ગઈ.
તારા મલકતા મુખડામાં એવી ડૂબી ગઈ કે જગ આખું ભૂલી ગઈ,
તારા મધુર ગાનમાં એવી ઊતરી ગઈ કે પળનો હિસાબ ભૂલી ગઈ.
તારી નટખટ વાતોમાં એવી ઘેરાઈ ગઈ કે શાન-ભાન ભૂલી ગઈ,
તારી યાદોમાં એવી ખોવાઈ ગઈ કે મારી હસ્તી જ ભૂલી ગઈ.
તારી મહેફિલ સજાવટમાં એવી ભળી ગઈ કે મારું અસ્તિત્વ ભૂલી ગઈ,
તારા નયનોમાં પ્રેમ જોઈને હું તો આંનદ, ઊંડા આનંદમાં ચાલી ગઈ.
- ડો. હીરા
tārī prīta ēvī jāgī kē aṁtara māruṁ jhūmī gayuṁ,
tārā saṁganō raṁga ēvō lāgyō kē jīvana māruṁ khīlī ūṭhyu.
tārā nartanamāṁ ēvī nācī kē pōtānī jātanē bhūlī gaī,
tārā īśārāmāṁ ēvī khōvāī kē pōtānī ōlakhāṇa bhūlī gaī.
tārā malakatā mukhaḍāmāṁ ēvī ḍūbī gaī kē jaga ākhuṁ bhūlī gaī,
tārā madhura gānamāṁ ēvī ūtarī gaī kē palanō hisāba bhūlī gaī.
tārī naṭakhaṭa vātōmāṁ ēvī ghērāī gaī kē śāna-bhāna bhūlī gaī,
tārī yādōmāṁ ēvī khōvāī gaī kē mārī hastī ja bhūlī gaī.
tārī mahēphila sajāvaṭamāṁ ēvī bhalī gaī kē māruṁ astitva bhūlī gaī,
tārā nayanōmāṁ prēma jōīnē huṁ tō āṁnada, ūṁḍā ānaṁdamāṁ cālī gaī.
|
|