Bhajan No. 5619 | Date: 23-Mar-20162016-03-232016-03-23વચનની ગહેરાઈ જે સમજે છે, એ પોતાની વાત બદલતો નથી;Dr. Hira/bhajan/?title=vachanani-gaherai-je-samaje-chhe-e-potani-vata-badalato-nathiવચનની ગહેરાઈ જે સમજે છે, એ પોતાની વાત બદલતો નથી;

પ્રભુની ઉદારતાને જે સમજે છે, એ માપી-તોલીને દાન કરતો નથી;

જે પીડા બીજાની સમજે છે, એ હાનિ કોઈને આપી શકતો નથી;

જે વર્તનના પરિવર્તનનો સ્વીકાર કરે છે, એ કોઈને પિંજરામાં નાખતો નથી;

જે ઊંચાઈમાં રહીને ધરતીને યાદ રાખે, એ કોઈને ધિક્કારતો નથી;

જે મહોબ્બતને સમજીને રહે છે, એ સ્વાર્થમાં રમી શક્તો નથી;

જે અહેસાન પ્રભુનો ભૂલતો નથી, એ કૃતજ્ઞ થયા વિના રહેતો નથી;

જે મંઝિલની તલાશમાં ચાલે છે, એ મંઝિલ પામ્યા વિના રહેતો નથી;

જે તીવ્ર ભાવો ત્યજીને જીવે છે, એ ભાવોને તોડી શકતો નથી;

જે મુશ્કેલીમાં રહીને હસે છે, એ બીજાનાં દુઃખદર્દ દૂર કર્યા વિના રહેતો નથી.

વચનની ગહેરાઈ જે સમજે છે, એ પોતાની વાત બદલતો નથી;